తాజా వార్తలు
4 articles published
Naidupeta: నాయుడుపేటలో ఘోర రోడ్డు ప్రమాదం.. పాల ట్యాంకర్ ఢీకొని ఒకరు మృతి, పలువురికి గాయాలు
నాయుడుపేట మండలం పండ్లూరు జాతీయ రహదారిపై కిన్నెర 45 హోటల్ కూడలి వద్ద కూలీలతో ఉన్న ఆటోను పాల ట్యాంకర్ ఢీకొట్టింది. ఈ ప్రమాదంలో ఒకరు మృతి చెందగా, పలువురికి గాయాలయ్యాయి. పోలీసులు డ్రైవర్ను అదుపులోకి తీసుకుని కేసు నమోదు చేసి దర్యాప్తు చేస్తున్నారు. ఈ కూడలి వద్ద తరచూ ప్రమాదాలు జరుగుతున్నాయని స్థానికులు చెబుతూ, భద్రతా చర్యలు పెంచాలని కోరుతున్నారు.
Kakinada: సైనైడ్తో హత్యకు కుట్ర.. జగదీశ్వరరెడ్డి కేసులో నిందితుడి సంచలన వాంగ్మూలం
కాకినాడ జగదీశ్వరరెడ్డి హత్య కేసులో రిమాండ్లో ఉన్న సాధిక్ఖాన్ను పోలీసులు విచారించగా, హత్యకు తానే కుట్ర పన్నినట్లు అంగీకరించినట్లు సమాచారం. ఆస్తి వ్యవహారం, వివాహానికి కుటుంబం అంగీకరించకపోవడం నేపథ్యంలో హత్యకు ప్రయత్నించినట్లు నిందితుడు వెల్లడించినట్లు పోలీసులు చెబుతున్నారు. విషపదార్థం, అనంతరం సైనైడ్ వినియోగం గురించి కూడా కీలక వివరాలు వెలుగులోకి వచ్చినట్లు సమాచారం
ఆక్వా రైతులపై పెరుగుతున్న సాగు భారం.. మళ్లీ పెరిగిన రొయ్యల మేత ధరలు
ఆంధ్రప్రదేశ్లో ఆక్వా రైతులపై సాగు వ్యయం మరింత పెరుగుతోంది. గత రెండు నెలల్లో బ్లాక్ టైగర్ ఫీడ్ కిలోకు సుమారు రూ.24, వనామీ ఫీడ్ కిలోకు సుమారు రూ.18 వరకు పెరిగినట్లు రైతులు చెబుతున్నారు. ముడిసరుకుల ధరలు పెరగడమే ఫీడ్ ధరల పెంపునకు కారణమని తయారీ సంస్థలు వివరిస్తుండగా, రొయ్యల మార్కెట్ ధరలు తగ్గుతున్న సమయంలో ఫీడ్ ధరలు పెరగడం తమపై అదనపు భారమని రైతులు అంటున్నారు. ఫీడ్ ధరలపై ప్రభుత్వ పర్యవేక్షణ, ముడిసరుకులపై రాయితీలు, శాశ్వత నియంత్రణ వ్యవస్థను రైతులు కోరుతున్నారు.
సిమెంట్ ధరలకు రెక్కలు.. భారీగా పెరగనున్న రేట్లు
సెప్టెంబర్ 5వ తేదీ నుంచి సిమెంట్ ధరలు పెరిగే అవకాశం ఉన్నట్లు మార్కెట్ వర్గాల సమాచారం. సిమెంట్ బస్తాపై రూ.30 నుంచి రూ.40 వరకు ధర పెరిగే అవకాశం ఉండగా, ఆంధ్రప్రదేశ్, తెలంగాణలో సుమారు 10 శాతం వరకు ధరలు పెరగవచ్చని అంచనా. ముడిసరుకులు, ప్యాకేజింగ్, రవాణా ఖర్చులు పెరగడం ధరల పెంపునకు ప్రధాన కారణాలుగా చెబుతున్నారు. ఈ పెంపు అమల్లోకి వస్తే ఇళ్ల నిర్మాణ వ్యయం మరింత పెరిగే అవకాశం ఉంది.
