కర్లపాలెం హైవేపై రెండు లారీలు ఢీ.. తప్పిన పెను ప్రమాదం

కర్లపాలెం: బాపట్ల–కర్లపాలెం హైవేపై శనివారం రోడ్డు ప్రమాదం చోటుచేసుకుంది. కర్లపాలెం సమీపంలో రెండు లారీలు పరస్పరం ఢీకొన్నాయి. ప్రమాదం సమయంలో ఓ లారీ డ్రైవర్ కాలు క్యాబిన్‌లో ఇరుక్కుపోయింది. ప్రమాదాన్ని గమనించిన సమీపంలోని స్థానికులు వెంటనే స్పందించారు. లారీ వద్దకు చేరుకుని డ్రైవర్‌ను బయటకు తీసేందుకు సహాయక చర్యలు చేపట్టారు. జాగ్రత్తగా కాలు విడిపించి డ్రైవర్‌ను సురక్షితంగా బయటకు తీసుకొచ్చారు. ఈ ఘటనలో ఎవరికీ ప్రాణాపాయం జరగకపోవడంతో స్థానికులు ఊపిరిపీల్చుకున్నారు. ప్రమాదానికి దారితీసిన కారణాలపై పూర్తి వివరాలు తెలియాల్సి ఉంది.