Yamaha YZF-R2: మార్కెట్లోకి యమహా కొత్త స్పోర్ట్స్ బైక్.. ధర రూ.2.30 లక్షలు

ఆటోమొబైల్ డెస్క్: ఇండియా యమహా మోటార్‌ తన సూపర్‌ స్పోర్ట్‌ బైక్‌ విభాగాన్ని మరింత విస్తరిస్తోంది. ఇందులో భాగంగా ‘మేడ్‌ ఇన్‌ ఇండియా’ వైజెడ్‌ఎఫ్‌-ఆర్‌2 (Yamaha YZF-R2) మోటార్‌సైకిల్‌ను ప్రపంచ మార్కెట్లోకి విడుదల చేసింది. చెన్నైలోని యమహా తయారీ యూనిట్‌లో ఈ బైక్‌ను ఉత్పత్తి చేసినట్లు కంపెనీ వెల్లడించింది. రూ.2.30 లక్షల ప్రారంభ ధర వైజెడ్‌ఎఫ్‌-ఆర్‌2లో 200 సీసీ లిక్విడ్‌-కూల్డ్‌ ఇంజన్‌ను అందించారు. ఈ మోడల్‌ ప్రారంభ ధర రూ.2.30 లక్షలుగా కంపెనీ ప్రకటించింది. స్పోర్టీ డిజైన్‌, పనితీరును కోరుకునే రైడర్లను లక్ష్యంగా చేసుకుని ఈ బైక్‌ను రూపొందించినట్లు తెలుస్తోంది. ఇండియాలో తయారు చేసి అంతర్జాతీయ మార్కెట్లకు ఎగుమతి చేయడం ఈ మోడల్‌లో ప్రధాన అంశంగా నిలుస్తోంది. భారత్‌ నుంచి తయారీ, ఎగుమతులను పెంచే యమహా వ్యూహంలో వైజెడ్‌ఎఫ్‌-ఆర్‌2 కీలక పాత్ర పోషించే అవకాశం ఉంది. అభివృద్ధి చెందిన మార్కెట్లపైనా దృష్టి ఈ బైక్‌ను కేవలం ఆసియా దేశాలకే పరిమితం చేయకుండా జపాన్‌, యూరప్‌, తైవాన్‌ వంటి అభివృద్ధి చెందిన మార్కెట్లకు కూడా ఎగుమతి చేయనున్నట్లు యమహా మోటార్‌ ఎగ్జిక్యూటివ్‌ ఆఫీసర్‌, ఇండియా యమహా మోటార్‌ గ్రూప్‌ సీఎండీ హజిమె అయోటా తెలిపారు. భారత్‌లో తయారైన మోడల్‌కు అంతర్జాతీయ మార్కెట్లలో డిమాండ్‌ పెంచడం ద్వారా ఇండియాను యమహా గ్లోబల్‌ తయారీ కేంద్రాల్లో ఒకటిగా మరింత బలోపేతం చేసే దిశగా కంపెనీ అడుగులు వేస్తున్నట్లు ఈ నిర్ణయం సూచిస్తోంది. యమహా పోర్ట్‌ఫోలియోలో మరో కీలక మోడల్‌ సూపర్‌ స్పోర్ట్‌ సెగ్మెంట్‌లో ఇప్పటికే ఉన్న మోడళ్లకు వైజెడ్‌ఎఫ్‌-ఆర్‌2ను జోడించడం ద్వారా యమహా తన పోర్ట్‌ఫోలియోను విస్తరిస్తోంది. ముఖ్యంగా 200 సీసీ విభాగంలో స్పోర్టీ లుక్‌, లిక్విడ్‌-కూల్డ్‌ ఇంజన్‌తో కొత్త మోడల్‌ను తీసుకురావడం ద్వారా యువ రైడర్లను ఆకట్టుకోవాలని కంపెనీ లక్ష్యంగా పెట్టుకున్నట్లు కనిపిస్తోంది.